Bugun,

  • USD 11095.31
  • RUB 173.84
  • EUR 10772.44

Farg‘ona viloyati Toshloq tumani ma’muriy sudi tomonidan Toshloq tuman kengashi deputati hamda “Toshloq dehqon bozori” MChJ rahbari hisoblangan A.Toshmatovga nisbatan yuritilgan ma’muriy ishni ko‘rib chiqdi, deb xabar beradi O‘zA.

Foto: “Daryo”

Foto: “Daryo”

Ish holatiga ko‘ra, tumandagi “Xo‘jaariq” mahalla fuqarolar yig‘ini raisi M.Zokirova 24-mart kuni yig‘in ma’muriy binosi oldida savdo qilib o‘tirgan O.Haydarovaning mahalla binosiga kirish eshigini sotuvdagi buyumlari bilan to‘sib qo‘yganidan g‘azablangan. Kiyim-kechaklarini tepib tashlab, uyatli so‘zlar bilan so‘kinib, baqir-chaqir qilib, fuqarolarning tinchligi va osoyishtaligini buzgan holda mayda bezorilik sodir etgan.

Shundan so‘ng voqea joyiga bozor rahbari A.Toshmatov yetib kelib, M.Zokirova bilan janjallashib ketgan. Janjal davomida A.Toshmatov jamiyatda belgilangan yurish-turish qoidalaridan chetga chiqib va jamoat tartibini mensimasdan, boshqa fuqarolarning oldida M.Zokirovani “xalq dushmani” deb haqorat qilgan. Go‘yoki, kim, qayerda, qanday savdo qilishini o‘zi belgilab berishini ma’lum qilib, savdo ishlarini davom ettirishni uqtirgan.

Bundan tashqari, A.Toshmatov janjal davomida M.Zokirovaga muqaddam tol daraxtini kestirib yuborib, javobgar bo‘lishida go‘yoki pora berib qutulgani haqida gapirib, unga tuhmat qilgan.

“Sud ish holatlarini har tomonlama tahlil qilib, barcha taraflarning harakatlariga baho berdi. A.Toshmatovning xatti-harakatlari M.Zokirovaning shaxsiga emas, balki jamiyatda o‘rnatilgan tartib-qoidalar, davlat organlari va fuqarolarning o‘z-o‘zini boshqarish organlarining normal ish faoliyatiga qarshi qaratilib, bezorilik hissiyotlari zamirida sodir etilgan deb hisoblab, uning harakatlarini haqorat qilish emas, balki bezorilik deb baholadi. Unga nisbatan Ma’muriy javobgarlik to‘g‘risidagi kodeksning 40-moddasi va 183-moddalari bilan uzil-kesil o‘tashlik uchun ma’muriy qamoq jazosini tayinladi”, — deydi Toshloq tuman ma’muriy sudi raisi Abrorxon Akramov.

Shu bilan bir qatorda sud ma’muriy ishning boshqa ishtirokchilari harakatlariga ham qonuniy baho berib, tegishli tartibda jazo va boshqa choralarni qo‘llagan.

Izoh
Asosiy yangiliklar
Sport
Iskandarov — eng yaxshi futbolchi, Kapadze — eng yaxshi murabbiy. O‘zbek futbolida 2022-yilning eng yaxshilari aniqlangan marosimdan fotoreportaj
Madaniyat
Farzandidan ayrilgan, 3 soat uxlagan, hojatxonada farroshlik qilgan: muvaffaqiyatga erishish yo‘lida turli qiyinchiliklardan o‘tgan yulduzlar (foto)
Mahalliy
“Sirdaryoda bir so‘m ham o‘g‘irlanmaydigan, korrupsiyasiz tizim yaratilishi kerak” — Sardor Umurzoqov