Qashqadaryo viloyat IIB axborot xizmati Qarshi shahrida IIB HPB profilaktika inspektori tomonidan bir necha marta ogohlantirilganiga qaramay rafiqasiga zo‘ravonlik qilgan erkak 15 sutkaga qamalganini xabar qildi.
Xabarda qayd etilishicha, Qarshi shahri “Nasaf” mahallasida yashovchi A.O. turmush o‘rtog‘i X.D.ga tazyiq va zo‘ravonlik o‘tkazgan. Qarshi shahar IIO FMB 4-sonli IIB HPB profilaktika inspektori tomonidan “Himoya orderi” berilib, er-xotinga oila muqaddasligi, farzandlariga namuna bo‘lish kerakligi to‘g‘risida tushuntirilgan, profilaktik suhbat o‘tkazilgan.
Ammo A.O. o‘ziga tegishli xulosa chiqarmasdan 6-iyul kuni turmush o‘rtog‘iga nisbatan jamoat joyida tazyiq va zo‘ravonlik qilmoqchi bo‘lgan vaqtida IIB xodimlarining qonuniy talablariga bo‘ysunmagani uchun qo‘lga olingan.
Unga Ma’muriy javobgarlik to‘g‘risidagi kodeksning 183-moddasi (Mayda bezorilik) va 194-moddasi 1-qismiga (Ichki ishlar organlari xodimining qonuniy talablarini bajarmaslik) asosan Ma’muriy ishlari bo‘yicha Qarshi shahar sudi tomonidan 15 sutka ma’muriy qamoq jazosi tayinlangan.
Mavzuga doir:
Izoh (0)