Bollivud yulduzi Priyanka Chopra Kianu Rivz hamda Nil Patrik Xarris bilan birgalikda “Matritsa 4” ilmiy-fantastik filmida rol ijro etadi. Film suratga olish jarayonlari koronavirus munosabati bilan joriy qilingan karantin yumshatilganidan so‘ng Germaniyaning Berlin shahrida davom etmoqda.
“Matritsa” barcha davrlarning eng ommabop filmlaridan biri hisoblanadi.
Filmni suratga olish ishlari mart oyida koronavirus tufayli to‘xtatilgan edi. Priyanka esa suratga olish jarayonlariga endi qo‘shilgan. U filmdagi asosiy rollardan birini ijro etmoqda. Bundan tashqari filmda Jada Pinkett Smit, Kerri-Enn Moss, Yahyo Abdul-Matin II va Nil Patrik Xarris kabi aktyorlar ham suratga tushmoqda.
Kianu Rivz “Matritsa”ning 1999-yilda suratga olingan birinchi qismidan boshlab, uning ajralmas qismi hisoblanadi.
Film sujeti xaker hamda uning texnologiyalar realligini anglashi atrofida yuz beradi.
“Matritsa 4” filmi taqdimoti 2022-yilning 1-aprelida o‘tkazilishi rejalashtirilmoqda.
Izoh (0)