Toshkentdagi Epidemiologiya, mikrobiologiya va yuqumli kasalliklar ilmiy-tekshirish instituti klinikasida 18 nafar, Toshkent tibbiyot akademiyasining ko‘p tarmoqli klinikasida 56 nafar, Nuroniylar sihatgohida 107 nafar, Samarqand viloyatida 15 nafar, Namangan viloyatida 5 nafar, Buxoro viloyatida 4 nafar, jami 205 nafar koronavirus infeksiyasiga chalingan bemor sog‘aydi, deb xabar bermoqda Sog‘liqni saqlash vazirligi.
Avval Toshkentdagi Virusologiya ilmiy-tekshirish instituti klinikasida 22 nafar bemor koronavirus infeksiyasidan tuzalgani haqida xabar berilgandi.
Shu tariqa Toshkent shahri va viloyatida COVID-19’dan tuzalganlar soni 4652 nafarga, Samarqand viloyatida koronavirus infeksiyasidan forig‘ bo‘lganlar soni 464 nafarga, Namangan viloyatida 298 nafarga, Buxoro viloyatida esa 518 nafarga yetgan.
O‘zbekistonda koronavirus infeksiyasidan sog‘ayganlar soni 7287 nafarni tashkil qilmoqda.
O‘zbekistonda epidemiya boshlanganidan beri 2020-yil 9-iyul soat 17:00 holatiga ko‘ra, koronavirus yuqtirib olgan bemorlar soni 11 447 nafarni tashkil qilmoqda, 50 nafar bemor COVID-19 asoratlari oqibatida hayotdan ko‘z yumgan.
Izoh (0)