Jizzax viloyatida avtobus hamda Nexia ishtirokida yo‘l transport hodisasi sodir bo‘ldi. Bu haqda Ichki ishlar vazirligining Yo‘l harakati xavfsizligi bosh boshqarmasi xabar qildi.
Xabarda qayd etilishicha, 5-iyul kuni soat 15:40 larda, Jizzax shahridagi Olmazor va Mustaqillik ko‘chalari kesishmasida avtobus va Nexia to‘qnashgan. 1975-yilda tug‘ilgan B.S. boshqaruvidagi avtobus 1993-yilda tug‘ilgan B.F. haydab kelayotgan yengil avtomobilga urilishi oqibatida ag‘darilgan.
Avtobus ichida 3 nafar yo‘lovchi bo‘lgan. To‘qnashuvda tan jarohati olganlar yo‘q.
Mazkur yo‘l transport hodisasi yuzasidan Jizzax shahar IIO FMB yo‘l harakati xavfsizligi bo‘limi tomonidan surishtiruv ishlari olib borilmoqda.
Avvalroq Toshkentda 15 yoshli haydovchi “Kamaz”da avtobusni urib ketishi oqibatida 2 kishi jarohatlangani va shifoxonaga yetkazilgani, 7-may kuni Qoraqalpog‘istonning Beruniy tumanida Nexia va avtobus to‘qnashgani, oqibatda Nexia haydovchisi 48 yoshli M.A. og‘ir tan jarohati olib voqea joyida vafot etgani, 9-iyun kuni 31-yo‘nalishda harakatlanuvchi Isuzu avtobusi “KamAZ” ortidan urilib, yo‘l-transport hodisasini sodir etgani avtobus haydovchisi K.N. va uning chiptachisi A.F. tan jarohati olib shifoxonaga murojaat qilgani haqida xabarlar berilgan.
Izoh (0)