AQShning Bog‘doddagi elchixonasi 5-iyulga o‘tar kechasi raketalar hujumiga uchradi, deb xabar beradi Al Arabia telekanali.
Ma’lumotlarga ko‘ra, raketalarning bir qismi Patriot zenit-raketa kompleksi yordamida tutib qolingan. Bir necha snaryad esa “yashil hudud” yaqiniga kelib tushgan. Jarahot olganlar yoki halok bo‘lganlar haqida ma’lumot yo‘q.
14-iyun kuni Amerikaning Iroqdagi bazasi raketalar hujumiga uchragani to‘g‘risida xabar berilgandi. Iroqdagi Amerika obyektlari muntazam raketalar hujumiga uchrab turadi. Mart oyida ikkita raketa AQShning Bag‘doddagi elchixonasi yaqiniga kelib tushgan.