FQB va Interpol xodimlari Dubay politsiyachilari bilan hamkorlikda taniqli tadbirkor va Instagram-bloger Reymond Abbosni hibsga olib, uning superkarlar kolleksiyasini musodara qildi. Erkak kiber-firibgarlik va 430 million dollarni “yuvishda” gumonlanmoqda, deb xabar beradi The Drive.
Faoliyatini Nigeriyadagi “sekond-xend”da kiyim-kechak sotish orqali boshlagan Abbos 2,4 million obunachiga ega Instagram yulduziga aylangan. U bilan FQB va Interpol qiziqa boshlagan hamda Abbos kiberjinoyatchilikka aloqadorlikda gumonlangan: u sheriklari bilan birga taniqli kompaniya va banklar nomidan soxta veb-saytlarni yaratib, o‘zgalarning kredit kartalari ma’lumotlarini o‘g‘irlagan. Shuningdek, u yana 11 ta ish bo‘yicha gumonlanmoqda.
Instagram-blogerning uyidan 37 million dollar naqd pul va o‘nlab hashamatli avtomobillar topilgan.
Abbos Nigeriyaga ekstraditsiya qilinishi mumkin. Shundan so‘ng u yerda blogerga nisbatan ayblov e’lon qilinadi.
Izoh (0)