O‘z vaqtida tomoshabinlar uchun sevimli bo‘lgan braziliyalik aktrisalar hayotida qanday o‘zgarishlar bo‘lgan? Quyida ushbu savolga javob beramiz.
Jovanna Antonelli
Aktrisa arsenalida bugungi kunda 30 dan ortiq film bor. Jovannaga haqiqiy omad “Klon” filmidagi Jadi ijrosidan keyin kulib boqqan.
Aktrisa va prodyusserlik bilan ham shug‘ullanadigan Antonelli bundan tashqari Gio nomli ayollar kosmetik buyumlari va aksessuarlari brendiga egalik qiladi. Jovanna, rejissor Leonardo Nogeyra bilan turmush qurgan bo‘lib, bugungi kunda uch farzandning onasi hisoblanadi.
Ana Paula Aroziu
Braziliyaning eng chiroyli aktrisalaridan biri sifatida yaxshi ma’lum bo‘lgan Ana Paula karyerasini modellikdan boshlab, 1991-yildan seriallarda rol ijro qilgan. “Sevgi diyori” serialidagi roli, ayniqsa, millionlab muxlislar qalbidan joy olgan, ammo aktrisa 2010-yildan keyin suratga tushmay qo‘ygan.
https://www.instagram.com/p/B7R9-nOHT6Q/?utm_source=ig_embed
Arxitektor Enrike Pineyroga turmushga chiqqan Aroziuga hozir ham bir qancha filmlardan taklif bo‘lishiga qaramay, u rad javobini beradi.
Niveya Stelmann
“Klon” serialidagi Saidning rafiqasi Raniya obrazi bilan tanish bo‘lgan aktrisa Niveya ham faoliyatini modellikdan boshlagan.
https://www.instagram.com/p/CAzo-Rrj9da/?utm_source=ig_embed
1993-yilda suratga olingan “Braziliyalik oila” seriali aktrisaning debyuti bo‘lgan. “Klon” filmi esa uning mashhur bo‘lishiga sabab bo‘lgan.
Letisiya Sabatella
“Klon” serialida Latifa ijrosi sabab yaxshi ma’lum bo‘lgan Letisiya faoliyatini 1991-yilda boshlagan va bugungi kunga qadar 50 dan ortiq filmda rol ijro qilgan.
https://www.instagram.com/p/CBPyGrgnXUS/?utm_source=ig_embed
Bundan tashqari, u o‘zini xonandalik borasida ham sinab ko‘rgan. 2013-yilda aktyor Fernando Alvis Pint bilan turmush qurgan Letisiyaning birinchi turmushidan qiz farzandi bor.
Izoh (0)