Buxoro viloyatida koronavirus infeksiyasi kirib kelishi va tarqalishining oldini olish bo‘yicha viloyat komissiyasining 29-iyun, dushanba kuni o‘tkazilgan yig‘ilishida aholining sanitariya-epidemiologik osoyishtaligini ta’minlash borasidagi ustuvor vazifalar muhokama qilindi. Bu haqda Transport vazirligi axborot xizmati xabar bermoqda.
Xabarda qayd etilishicha, komissiya qaroriga asosan, so‘nggi paytlarda aholi orasida koronavirus infeksiyasi bilan kasallanish ko‘payganligi inobatga olinib, 2020-yilning 30-iyunidan viloyatda jamoat transportlari (avtobus) harakati noma’lum muddatga qadar to‘liq to‘xtatilishi belgilangan.
Yo‘nalishsiz taksilarning karantin talablariga rioya etgan holda harakatlanishi qat’iy nazorat ostiga olinadi. Yo‘lovchi tashish uchun belgilangan karantin qoidalarini buzgan haydovchilarga nisbatan ma’muriy javobgarlik masalasi ko‘rib chiqiladi va avtotransport vositasi jarima maydonchasiga kiritiladi, deyilgan xabarda.
Izoh (0)