O‘zbekistonda 29-iyun soat 23:30 holatiga ko‘ra, yana 23 nafar odamda koronavirus infeksiyasi aniqlandi va kasallanganlarning umumiy soni 8222 nafarga yetdi. Bu haqda Sog‘liqni saqlash vazirligi xabar berdi.
Yangi kasallanish holatlarining:
- 17 tasi karantin markazidagi fuqarolar orasida;
- 4 tasi Toshkent shahrida aholi orasida;
- 2 tasi Samarqand viloyatida koronavirusga chalinganlar bilan muloqotda bo‘lib, karantinga olingan fuqarolar orasida aniqlangan.
29-iyun kun davomida 167 nafar (dastlab 97 kishi, keyin yana 70 nafar bemor tuzalgan) bemor koronavirus infeksiyasidan tuzalgan va sog‘ayganlarning umumiy soni 5496 nafarga (66 foiz) yetgan. 2702 nafar bemor belgilangan standartlar bo‘yicha davolanishni davom ettirmoqda.
29-iyunda ikki nafar bemor koronavirus infeksiyasi asoratlari oqibatida vafot etgan: Buxoroda 68 yoshli ayol va Jizzaxda 72 yoshli erkak hayotdan ko‘z yumdi. Epidemiya boshlanganidan beri O‘zbekistonda jami 24 ta o‘lim holati qayd etilgan.
Izoh (0)