Futbol bo‘yicha O‘zbekiston Kubogi ikkinchi saralash bosqichi o‘yinlaridan so‘ng Pro-Liganing ikki klubi musobaqa guruh bosqichiga yo‘l oldi.
“Sho‘rtan” va “Oqtepa” jamoalari Superliganing 14 jamoasiga qo‘shilgan holda o‘z yurishini davom ettiradi.
16 jamoa to‘rtta guruhga ajratiladi. Guruh bahslari uy-safar tizimida emas, bitta o‘yindan iborat bo‘ladi va mezbon jamoa qur’a orqali aniqlanadi. Qur’adan kelib chiqib, guruhlarda ikkita jamoa ikkita uy va bitta safar va yana ikkita jamoa esa bitta uy va ikkita safar o‘yini tizimida o‘ynaydi.
Guruhda 1 va 2-o‘rinni qo‘lga kiritgan jamoalar chorak finalga yo‘l oladi. Pley-off uchrashuvlari ham bitta o‘yindan iborat bo‘lib, bahs durang bilan yakunlangan taqdirda qo‘shimcha bo‘limlarga murojaat qilinadi.
Coca-Cola O‘zbekiston Kubogi guruh bosqichi ishtirokchilari bilan tanishing:
“Paxtakor”
OKMK
“Qo‘qon-1912”
“Nasaf”
“Bunyodkor”
“Navbahor”
“Metallurg”
“So‘g‘diyona”
“Mash’al”
“Lokomotiv”
“Surxon”
“Andijon”
“Buxoro”
“Qizilqum”
“Oqtepa”
“Sho‘rtan”
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)