Bugun,

  • USD 11095.31
  • RUB 173.84
  • EUR 10772.44

Chernogoriya hukumati ilgari bekor qilingan koronavirus tarqalishiga qarshi karantin cheklovlarini qayta tikladi. Bu haqda 26-iyun kuni Reuters xabar berdi.

Foto: “TASS”

Foto: “TASS”

Karantin cheklovlari doirasida sport mashg‘ulotlari va musobaqalar, shuningdek, ochiq havoda jamoat yig‘inlarini o‘tkazish yana taqiqlandi. Dafn marosimida qabristonda faqat marhumning oila a’zolari bo‘lishiga ruxsat beriladi. Bundan tashqari, mamlakat shimolidagi ikki munitsipalitetda soat 18:00 dan 05:00 gacha kommendantlik soati joriy etilgan.

Chernogoriya iqtisodiyoti o‘z daromadining katta qismini Adriatik dengizi sohilidagi turizmdan oladi. Shu sababli mamlakat 25-may kuni o‘zini koronavirusdan xoli deb e’lon qildi.

Mamlakatda koronavirusga chalinganlar soni 10 kun avval oshishni boshlagan. Shundan buyon hukumat kasallikka chalinish bo‘yicha 100 ta yangi holatni e’lon qildi. Avvalroq kasallanganlar soni 424 kishini tashkil qilgan.

Ta’kidlash joizki, 24-iyun kuni Chernogoriyaning turli shaharlarda Budva ma’muriyati rahbarlarining hibsga olinishiga qarshi ommaviy norozilik namoyishlari bo‘lib o‘tdi, tartibsizliklar va politsiya bilan to‘qnashuvlar sodir bo‘ldi.

Eslatib o‘tamiz, Chernogoriyada koronavirusga chalinish bo‘yicha ilk holat 17-mart kuni aniqlangandi. May oyi oxirlarida Chernogoriya koronavirusni yenggan Yevropadagi birinchi davlatga aylangan, mamlakatda koronavirusga chalingan barcha bemorlar to‘liq sog‘aygandi.

Izoh
Asosiy yangiliklar
Dunyo
Britaniya hukumati “Vagner”ni terrorchi tashkilot deb e’lon qilmoqchi — The Telegraph
Dunyo
AQSHda xavfli moddalarni olib ketayotgan yuk poyezdi relsdan chiqib ketdi (video)
Mahalliy
O‘zbekistonda kelayotgan hafta boshida qanday ob-havo bo‘ladi?