Vakillar palatasining aksariyat a’zolari AQSh poytaxti Vashingtonga alohida shtat maqomi berish to‘g‘risidagi qonun loyihasini qo‘llab-quvvatladi, deya xabar beradi CNN.

Ma’muriy nuqtayi nazardan, Vashington shahri biror-bir shtat tarkibiga kirmaydigan Kolumbiya okrugi hisoblanadi.

232 nafar kongressmen loyihani ma’qulladi va 180 kishi qarshi chiqdi. Asosan, Demokratik partiya vakillari bu g‘oyani qo‘llab-quvvatladi, respublikachilarning ko‘pchiligi esa bu qarorga qarshi.

Hozirda AQShda 50 ta shtat mavjud. Ularning ikkitasi — Alyaska va Gavayi mamlakat asosiy hududidan tashqarida joylashgan.