Yaponiyaning Yamato shahrida ko‘chalar bo‘ylab harakatlanish vaqtida smartfondan foydalanishga taqiq qo‘yildi. Qonun 1-iyuldan kuchga kiradi. U tavsiyaviy xarakterga ega va qoidabuzlarga hech qanday jazo qo‘llanilishini ko‘zda tutmaydi, deb xabar beradi Kyodo News.

Foto: Miuki.info

Mahalliy hukumatning so‘zlariga ko‘ra, shaharliklar mazkur talabning naqadar ahamiyatga ega ekanligini tushunadi va unga rioya qiladi.

Agar piyoda gadjetdan foydalanishni xohlab qolsa, u hech kimga xalaqit bermaydigan joyga to‘xtatishi kerak.

Kunchiqar mamlakat olimlarining aniqlashicha, inson smartfondan foydalanayotganida ko‘zlarning ko‘rish burchagi qisqaradi, harakat vaqtida esa u boshqa yo‘lovchilar yoki avtomobillar bilan to‘qnashib ketishi mumkin.

Eslatib o‘tamiz, 2015-yildan Yaponiyada selfi tayoqlaridan foydalanishga cheklov qo‘yila boshlangan.