Toshkentda 36 nafar bemor COVID-19’dan forig‘ bo‘ldi. Bu haqda Sog‘liqni saqlash vazirligi xabar bermoqda.
Epidemiologiya, mikrobiologiya va yuqumli kasalliklar ilmiy-tekshirish instituti klinikasida 7 nafar, Respublika ixtisoslashtirilgan terapiya va tibbiy reabilitatsiya ilmiy-amaliy tibbiyot markazi klinikasida 9 nafar, 2-son Respublika klinik shifoxonasida 20 nafar, jami 36 nafar koronavirus infeksiyasiga chalingan bemor sog‘ayib, o‘z uyiga kuzatildi.
Ayni paytgacha Toshkent shahri va viloyatida 4638 holatda koronavirus infeksiyasi qayd etilgan (Sirdaryo viloyatidagi bemorlar ham Toshkentga o‘tkazilgan). Ushbu bemorlarning 2773 nafari sog‘aydi.
Shu tariqa hozirgi soatgacha O‘zbekiston bo‘ylab sog‘ayganlar soni 4913 nafarni tashkil etmoqda.
Eslatib o‘tamiz, O‘zbekistonda 26-iyun soat 10:00 holatiga ko‘ra, 7228 kishida koronavirus aniqlangan, bemorlarning 20 nafari kasallik asoratlaridan vafot etgan.
Izoh (0)