Shahrisabz davlat muzey-qo‘riqxonasi bosh direktori N.X. ishlamagan xodimlar nomiga ish haqi yozib, 62,9 million so‘mni o‘zlashtirgani aniqlandi. Bu haqda “Daryo”ga Bosh prokuratura tomonidan ma’lum qilindi.
Xabar berilishicha, Bosh prokuratura huzuridagi Iqtisodiy jinoyatlarga qarshi kurash departamenti tomonidan o‘tkazilgan tergovga qadar tekshiruvda Shahrisabz davlat muzey-qo‘riqxonasi bosh direktori N.X.ga nisbatan jinoyat ishi qo‘zg‘atildi.
Aniqlanishicha, muzey-qo‘riqxona rahbari amalda ishlamagan turmush o‘rtog‘i D.V. va yana to‘rt nafar fuqaroga soxta hujjatlar asosida ish haqi hisoblab, 62,9 million so‘m budjet mablag‘larini o‘zlashtirish yo‘li bilan talon-toroj qilgan.
Holat bo‘yicha N.X.ga nisbatan Jinoyat kodeksining 167-moddasi (O‘zlashtirish) 2-qismi “g” bandi va 209-moddasi (Mansab soxtakorligi) 1-qismi bilan jinoyat ishi qo‘zg‘atilgan. Tergov harakatlari o‘tkazilmoqda.
Mavzuga doir:
- Jizzaxda o‘zgalar nomiga 120 mln so‘m kredit rasmiylashtirib, uni o‘zlashtirgan “Mikrokreditbank” xodimiga jinoyat ishi ochildi
- Gurlanda 400 mln so‘mlik kredit mablag‘larini o‘zlashtirgan sobiq bank rahbariga nisbatan jinoyat ishi qo‘zg‘atildi
- Buxorodagi koronavirus bemorlari davolanayotgan shifoxonani ta’mirlashda 577 mln so‘m talon-toroj qilingan
- Samarqandda 30 mln so‘m miqdordagi pensiya puli talon-toroj qilingani ma’lum bo‘ldi
Izoh (0)