Prezident Shavkat Mirziyoyev 24-iyun kuni fashizm ustidan qozonilgan G‘alabaning 75 yilligiga bag‘ishlangan tantanali tadbirlarda ishtirok etish maqsadida Moskvadagi Qizil maydonga yetib keldi. Uni Rossiya prezidenti Vladimir Putin kutib olgan. Parad mehmonlari Georgiy lentasi taqqan.
Paradda rossiyalik harbiy xizmatchilar bilan birga, jumladan, O‘zbekiston Qurolli Kuchlari vakillari ham chiqish qildi. Bunday holat mustaqil O‘zbekiston tarixida ilk bor kuzatilmoqda.
Ma’lumot uchun, Moskvadagi G‘alaba paradida Shavkat Mirziyoyevdan tashqari boshqa davlatlar rahbarlari ham mehmon bo‘lmoqda. Ular orasida, xususan, Belarus prezidenti Aleksandr Lukashenko, Qozog‘iston prezidenti Qosim-Jo‘mart To‘qayev, Qirg‘iziston prezidenti So‘ronbay Jeenbekov, Moldova prezidenti Igor Dodon, Tojikiston prezidenti Emomali Rahmon ham bor.
Izoh (0)