Shavkat Mirziyoyev Moskvadagi o‘zbekistonliklar bilan salomlashdi (foto)
O‘zbekiston Prezidenti Shavkat Mirziyoyev Rossiya poytaxti Moskva shahridagi Islom Karimov xiyoboniga tashrifidan so‘ng shu yerga yig‘ilgan o‘zbekistonliklar bilan salomlashdi. Bu haqda Prezident matbuot xizmati xabar berdi.
“O‘zbekiston Respublikasi Prezidenti Shavkat Mirziyoyev Islom Karimov xiyoboniga tashrifi chog‘ida bu yerga yig‘ilgan vatandoshlarimizni qutladi”, — deyiladi Prezident matbuot xizmati xabarida.
Eslatib o‘tamiz, O‘zbekiston Prezidenti Shavkat Mirziyoyev Ikkinchi jahon urushida qozonilgan g‘alabaning 75 yilligi munosabati bilan Moskvada o‘tkazilgan G‘alaba paradida qatnashish uchun 23-iyun kuni Moskvaga yetib bordi. Shu kuni Shavkat Mirziyoyev Rossiya prezidenti Vladimir Putin bilan uchrashdi. Rossiya prezidenti G‘alaba paradiga kelgani uchun Shavkat Mirziyoyevga minnatdorlik bildirdi. O‘zbekiston Prezident va harbiylari 24-iyun kuni paradda ishtirok etdi.
Shuningdek, Shavkat Mirziyoyev 24-iyun kuni boshqa davlat rahbarlari bilan birga Moskvadagi “Noma’lum askar” yodgorligiga gul qo‘ydi.
