Ijtimoiy tarmoqlarda Buxoro shahridagi 9-son oilaviy poliklinika shifokorlari majburiy mehnatga jalb qilingani haqida xabarlar tarqaldi. Bandlik va mehnat munosabatlari vazirligi mazkur holat bo‘yicha ma’lumot berdi.
Ma’lum qilinishicha, ijtimoiy tarmoqlarda tarqalgan mazkur xabar Davlat mehnat inspeksiyasi xodimlari tomonidan o‘rganilgan.
“Maqoladagi rasmlari ko‘rsatilgan hamshiralar va boshqa shifokorlar bilan suhbatlar o‘tkazilib, ulardan tushuntirish xatlari olinganda, ular 2020-yil 29-may kuni o‘z xohishlariga ko‘ra obodonlashtirish ishlarida ishtirok etganligini ma’lum qilganligi sababli majburiy mehnat tasdig‘ini topmadi”, — deyiladi vazirlik xabarida.
Avvalroq Buxoro viloyati Peshku tumanida bolalar va o‘smirlar sport maktabi xodimlarining majburiy mehnatga jalb etilgani hamda buning ortidan sport murabbiyining oilasida muammo yuzaga kelgani haqida xabar berilgandi.
Izoh (0)