Toshkentdagi Virusologiya ilmiy-tekshirish instituti klinikasida 28 nafar, shahar 1-son klinik shifoxonasida 12 nafar, jami 40 nafar koronavirus infeksiyasiga chalingan bemor 23-iyun kuni sog‘ayib, o‘z uyiga kuzatildi.
Sog‘liqni saqlash vazirligi matbuot xizmatining xabar berishicha, tuzalganlarning 21 nafari erkaklar, 19 nafari ayollar bo‘lib, yoshi kattasi 75 yoshli onaxon, yoshi kichigi esa 2020-yilda tug‘ilgan.
Endilikda Toshkent shahri va viloyatida ushbu kasallikdan sog‘ayganlar soni 2451 nafarga yetdi.
Shunday qilib, 23-iyun kun davomida 110 nafar koronavirus infeksiyasiga chalingan bemor tuzalib, hozirda mamlakat bo‘ylab sog‘ayganlar soni 4560 nafarni tashkil etmoqda.
Avvalroq O‘zbekistonda 23-iyun soat 17:00 holatiga ko‘ra, 35 kishida koronavirus aniqlanib, kasallanganlar soni 6535 nafarga yetgani xabar berilgandi. Shu kungacha kasallik asoratlaridan 19 nafar bemor vafot etgan.
Izoh (0)