Toshkent shahri Chilonzor tumanida fevral oyida B.B.ga Erondan 2 millionta tibbiy niqob olib kelib berishni va’da qilib, 15 950 AQSh dollari olgan va uni shu vaqtgacha qaytarmagan A.A. qamoqqa olindi. Bu haqda IIV huzuridagi Tergov departamenti xabar qilgan.
Qayd etilishicha 43 yoshli A.A. 2020-yil 24-fevral kuni 32 yoshli B.B. ga Erondan 2 million dona tibbiyot niqobi olib kelib berishini va’da qilib, undan pullarni naqd ko‘rinishda olgan. Ammo oradan bir necha oy o‘tgan bo‘lsa ham pullarni qaytarmagan, niqoblarni ham olib kelib bermagan. Mablag‘ni o‘z ehtiyojlariga ishlatib yuborgan.
Mazkur holat yuzasidan Chilonzor tumani bo‘yicha IIO FMB huzuridagi Tergov bo‘limi tomonidan jinoyat ishi ochilgan. A.A. Jinoyat kodeksining 168-moddasi 4-qismi “a” bandi (Firibgarlik) jinoyatini sodir etganlikda gumon qilinib, ehtiyot chorasi sifatida qamoqqa olingan. Mazkur jinoiy ish bo‘yicha dastlabki tergov harakatlari olib borilmoqda.
Mavzuga doir:
- Toshkentda konservatoriyaga o‘qishga kiritish uchun 5 ming dollar olgan o‘qituvchi qo‘lga tushdi (video)
- Xorazmda tadbirkorning “zapravka” hujjatlarini rasmiylashtirib berish uchun 45 ming dollar so‘ragan firibgar qo‘lga olindi (video)
- Farg‘onada qurilish obyektini olib berishi evaziga 5 ming dollar so‘ragan qishloq xo‘jaligi hisobchisi firibgarlik ustida ushlandi
Izoh (0)