Diyorbek Abbosov 2007-yil 2-martda Namangan shahrida tug‘ilgan. Bir yildan buyon aplastik anemiya kasalligi bilan og‘rib kelmoqda.
“Avgust oyida bolamga aplastik anemiya tashxisi qo‘yildi. Ishonmay Toshkentda qayta tekshiruvdan o‘tkazdik. Shifokorlar, haqiqatan, o‘g‘limning iliklari ishlamayotganini, hozir bunday kasallarga “Atgam” ukoli qilinayotganini aytishdi.
Surishtirsak ukol xorijda ishlab chiqarilar, bir pachkasi 12 million so‘m turarkan. Mayli, bolam tuzalsa bo‘ldi, deb yig‘ib terganlarimizni qo‘shib, yetmaganiga qarindosh-urug‘lardan qarz olib, 50 million so‘mga Amerikadan to‘rt pachka sotib oldik. Ukolni olgandan keyin o‘g‘limning yana iliklari ishlab ketdi. Biroq yana kasallik qaytalandi. Bolajonimni boshqalarning qoni bilan olti oy asrab keldik.
Davolovchi vrachimiz sizlarga ta’siri bo‘lmadi, yana bitta olamiz deyishdi. Gormon hisobiga bolani vazni oshgan. Endi dori 60 million so‘mga tusharkan. Borimizni sotib, qarindosh-urug‘lardan, dorixonalardan qarz olib, yana shu ukolni sotib oldik. Afsuski, bu yana olti oy davomida qaytalanishi mumkin ekan.
Hozir 5 million so‘mdan “Revoloyid”, 1 million so‘mdan “Neral” dorisini olyapmiz. Bolamga yana qon quydirishim kerak. Bu 2 million so‘mdan tushyapti, hozircha.
Operatsiya qildirish uchun Turkiyadagi mutaxassislar bilan gaplashsak, turk klinikasida 90 ming dollarga operatsiya qilisharkan. Agar donor o‘zimizdan bo‘lsa, akasi yoki ukasini olib borishimizni va 70 ming dollar bo‘lishini aytishdi.
Bir yildan beri kasallik sillamizni quritib qo‘ydi. Oddiy gapirib ham yig‘lavoradigan bo‘lib qoldim. 3 kun uyda bo‘lsak, 10 kun Gematologiya shifoxonasida yotamiz. Bir yildan beri shu ahvol. Ayni paytda yaxshi insonlarning yordamiga juda-juda muhtojmiz”, — deydi biz bilan suhbatda Diyorbekning onasi Iqboloy Jabborova.
Biz barcha yurtdoshlarimizdan Diyorbek Abbosovning sog‘ayib ketishida yordam berishlarini so‘rab qolamiz.
Diyorbek Abbosovga xayriya qilishni istaganlar uchun kerakli ma’lumotlar:
Plastik karta orqali: (Click, Payme)
Onasi Iqboloy Jabborova nomidaXalq banki:8600 0609 5875 3809
Rossiyadagi saxovatpesha yurtdoshlarimiz uchun bemorningqarindoshi Yoqutxon Mamajonova nomida
Sberbank VISA:4276 3801 5170 2078
Paynet raqam+998907537737
Bemorning onasi Iqboloy opaning telefon raqami:
+998941754220
Otasi Shuxratbek:
+998999134220
Izoh (0)