“Liverpul” bosh murabbiyi Yurgen Klopp “Everton”ga qarshi kechgan uchrashuvdan so‘ng (0: 0) o‘z fikrlari bilan o‘rtoqlashdi.
“Ikkala jamoa ham derbi ahamiyatini tushunib harakat qildi. Jamoalarning har biri shiddatli kurash olib bordi, biroq nazarimda, o‘yinda futbol kam bo‘ldi. Jismoniy tayyorgarlik jihatidan uchrashuv shiddatli kechdi. Men buni inobatga olaman”, — deydi Klopp.
Angliya chempionatining 30-turi doirasida “Everton” o‘z maydonida “Liverpul”ni qabul qildi. Uchrashuv Liverpul shahridagi “Gudison Park” stadionida bo‘lib o‘tdi va 0:0 hisobida yakunlandi.
“Liverpul” 30-turdan keyin 83 ochko to‘plagan holda, musobaqa jadvalida yakka peshqadamlik qilayotgan bo‘lsa, “Everton” 38 ochko bilan 12-pog‘onadan joy olgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)