O‘zbekistonda 19-iyun soat 10:00 holatiga ko‘ra, yana 88 kishi koronavirus yuqtirib oldi va kasallanganlarning umumiy soni 5855 nafarga yetdi. Bu haqda Sog‘liqni saqlash vazirligi xabar qildi.
Yangi kasallanish holatlarining 27 nafari karantin markazidagi fuqarolar orasida, 61 nafari Toshkent shahrida (shundan 51 nafari koronavirusga chalinganlar bilan muloqotda bo‘lib karantinga olinganlar, 10 nafari aholi orasida) aniqlangan.
18-iyun soat 23:00 holatiga ko‘ra, o‘tgan bir sutka davomida 85 kishida kasallik aniqlanib, 5767 nafarga yetgani to‘g‘risida xabar berilgandi.
Shuningdek, 18-iyunda kun davomida jami 68 nafar bemor kasallikdan tuzalgan, O‘zbekiston bo‘ylab koronavirus infeksiyasidan sog‘ayganlar soni 4199 nafarni (71 foiz) tashkil etmoqda. Toshkent shahrida koronavirus infeksiyasidan sog‘ayganlar soni 2130 nafarga yetgan. Respublika miqyosida 1549 nafar fuqaro statsionar sharoitda davolanishni davom ettirmoqda.
Hozirda mamlakatda 1637 nafar bemorga shifokorlar tomonidan belgilangan standartlar bo‘yicha davo choralari ko‘rilmoqda. Ulardan 12 nafari og‘ir ahvolda.
COVID-19 koronavirusi O‘zbekiston hududiga kirib kelganidan buyon jami 19 nafar bemor mazkur infeksiya asoratlari oqibatida hayotdan ko‘z yumgan.
Izoh (0)