Janubiy Koreyaning Asiana Airlines aviakompaniyasi tomonidan 2020-yilning iyun—iyul oylarida bir nechta reyslar rejalashtirilmoqda. Parvozlar qaysi sanadan amalga oshirilishi haqida ma’lumot berildi. Bu haqda Tashqi mehnat migratsiyasi agentligi axborot xizmati xabar qilgan.
Xabarga ko‘ra 9-iyun hamda 6, 13, 20 va 27-iyul kunlari Inchxon—Toshkent—Inchxon yo‘nalishi bo‘yicha 2 ta aviareys amalga oshiriladi.
Mazkur reyslarga D-2 va D-4 (talaba) vizasi va E-9 (ishchi) vizasiga ega bo‘lganlar ham chiqishi mumkin. O‘zbekistondan Koreya Respublikasiga borish uchun alohida ruxsatnoma talab etilmaydi. Mazkur reyslarga Respublika maxsus komissiyasi tomonidan ruxsat berilgan, Koreyadan O‘zbekistonga qaytgan fuqarolar 14 kunlik karantinga olinmaydi.
Izoh (0)