O‘zbekiston davlat konservatoriyasiga o‘qishga kiritib qo‘yish evaziga 5 ming dollar olgan litsey o‘qituvchisi qo‘lga tushdi. Bu haqda “Axborot 24” dasturida ma’lum qilindi.
Xabar berilishicha, DXX va prokuratura xodimlari hamkorligida o‘tkazilgan tezkor tadbirda Toshkentdagi O‘zbekiston davlat konservatoriyasi qoshidagi Iqtidorli bolalar akademik litseyi katta o‘qituvchisi o‘zganing ishonchiga kirib, undan 5 ming dollarni olgan vaqtida ashyoviy dalillar bilan ushlangan.
O‘qituvchi mazkur pul evaziga muqaddam ushbu litseyda o‘qigan fuqaroni yuqori lavozimda ishlovchi tanishlari orqali O‘zbekiston davlat konservatoriyasiga o‘qishga kiritib qo‘yishni va’da qilgan.
Avvalroq Toshkent viloyatida 60 ming dollarga yer sotmoqchi bo‘lgan tuman hokimi o‘rinbosari qo‘lga olingani, Toshkent viloyatida harbiy qism mayori 3 ming dollar pora bilan ushlangani haqida xabarlar berilgandi.
Mavzuga doir:
- Toshkent davlat agrar universiteti Andijon filialiga 2 ming dollarga o‘qishga kiritib qo‘ymoqchi bo‘lgan sobiq o‘qituvchi ushlandi
- Namanganda universitetga o‘qishga kiritishni va’da qilib, 2,5 ming dollar va 5 mln so‘m talab qilgan firibgar o‘qituvchi qo‘lga tushdi
- Sho‘rchi tibbiyot kolleji direktori o‘qishga kiritish uchun 200 dollar pora olgan vaqtida ushlandi
- Toshkentda baholarini qo‘ydirib berish evaziga 150 dollar pora talab qilgan kollej o‘qituvchisi ushlandi
- Toshkent viloyatida maktab direktori lavozimini egallashga yordam berish evaziga 2 ming dollar olgan viloyat Xalq ta’limi boshqarmasi xodimi ushlandi
Izoh (0)