Taxiatosh issiqlik elektr stansiyasida 17-iyun kuni quvvati 280 megavatt bo‘lgan ikkinchi bug‘-gaz turbinasi ishga tushirildi. Bu haqda Energetika vazirligi xabar berdi.
Obyektni modernizatsiya qilish doirasida IESdagi birinchi bug‘-gaz turbinasi joriy yilning aprel oyida ishga tushirilgan. Ikkita yangi qurilmaning ishi Qoraqalpog‘iston Respublikasi va Xorazm viloyati aholisining elektr enegiyasiga bo‘lgan talabini qondirishga imkon beradi.
Yangi bug‘-gaz turbinalarining qurilishi Janubiy Koreyaning Hyundai Engineering va Hyundai Engineering & Construction kompaniyalari konsorsiumi tomonidan amalga oshirilmoqda. Gaz turbinalari va ikkita generator General Electric kompaniyasi tomonidan yetkazib berilgan.
Qiymati 678,2 million dollar bo‘lgan loyiha Osiyo taraqqiyot banki tomonidan ajratilgan 300 million dollar miqdoridagi kredit, shuningdek, O‘zbekistonning o‘z mablag‘lari hisobidan amalga oshirildi.
Izoh (0)