Ilon Mask SpaceX kompaniyasining Yer atrofi va fazoviy sayohatlar uchun suvda suzib yuruvchi kosmoportlar qurishni rejalashtirayotganini ma’lum qildi. Mask bu haqda Twitter’dagi sahifasida post qoldirgan.
Uning qayd etishicha, kompaniya dastlabki portlarni quradigan xodimlar bo‘yicha saralash ishlarini boshlab yuborgan. Ushbu portlar orqali Starship havo kemasida Yer atrofi, shuningdek, Oy va Marsga sayohatlar amalga oshiriladi.
Maskning so‘zlariga ko‘ra, parvozning dastlabki testi yaqin 2-3 yilda o‘tkazilishi mumkin. Sinovlar muvaffaqiyatli kechadigan bo‘lsa, biznesmen tijorat parvozlarini ham amalga oshirishni boshlaydi.
Maskning suzib yuruvchi kosmoportlari odamlar yashaydigan hududlardan yiroqda, sohildan bir necha kilometr masofa uzoqlikda harakatlanadi. Koinotga uchishni istagan yo‘lovchilar u yerga maxsus kemalarda yetkaziladi.
Mavzuga doir:
- Crew Dragon “Soyuz”dan yaxshiroqmi? “Roskosmos” inqirozga uchraydimi? Endi ruslarning yangi kemalari XKSga uchmaydimi? — SpaceX muvaffaqiyatidan keyingi kosmonavtika haqida
- SpaceX Marsga parvoz qiluvchi kemani sinovdan o‘tkazishni davom ettiradi
- Ilon Mask global internet loyihasi doirasida yana 60 ta sun’iy yo‘ldoshni fazoga uchirdi
- “Batut ishlayapti”. Ilon Mask “Roskosmos” rahbarining 6 yil oldingi haziliga javob qaytardi
Izoh (0)