Sog‘liqni saqlash vazirligining 16-iyundagi ma’lumotiga ko‘ra, Qashqadaryo viloyatida koronavirus qayd etilganlar soni 104 nafarga ko‘payib, 161 nafarga yetdi (bulardan 6 nafari ilgari sog‘ayib chiqqan).
Qashqadaryo viloyati sog‘liqni saqlash boshqarmasi matbuot xizmatining ma’lum qilishicha, yangidan kasallik qayd etilgan 104 bemorning barchasi karantin muassasalarida saqlanayotganlar orasida bo‘lgan. Ularning 66 nafari Qozog‘iston, 5 nafari Turkiya fuqarosi, 10 nafari vohada faoliyat ko‘rsatayotgan xorijiy korxona ishchisi, 1 nafari viloyat yuqumli kasalliklar shifoxonasi xodimi, 20 nafari Kitob, 2 nafari Chiroqchi tumanlaridan (koronavirusga chalinganlar bilan muloqotda bo‘lib, karantinga olinganlar orasidan).
16-iyun holatida viloyat bo‘yicha jami 1732 nafar fuqaro karantin muassasalarida saqlanmoqda. Ularning 342 nafari statsionar, 1390 nafari uy karantinida.
Eslatib o‘tamiz, O‘zbekistonda 17-iyun soat 10:00 holatiga ko‘ra koronavirusga chalinganlar soni 5561 nafarga yetdi. Shu kungacha 4096 nafar koronavirusga chalingan fuqaro (76 foiz) sog‘aygan, bemorlarning 19 nafari kasallik asoratlari oqibatida vafot etgan.
Mavzuga doir:
Izoh (0)