AOKA shtabida tashkil qilingan brifingda Vazirlar Mahkamasi huzuridagi Ta’lim sifatini nazorat qilish inspeksiyasi axborot xizmati rahbari Feruza Madrahimova “yashil” hududlarda o‘quv markazlari faoliyatiga ruxsat berilgani, “sariq” toifaga kiruvchi hududlarda ham mazkur faoliyatga ruxsat etilish yoki etilmasligi yuzasidan izoh berdi.
“Oliy ta’lim muassasalariga qabul jarayonlari boshlanayotganini inobatga olib, abituriyentlarga qulaylik yaratish maqsadida ‘sariq’ hududlarda ham sanitariya-gigiyena qoidalariga qat’iy rioya qilgan holda o‘quv markazlari faoliyatini tashkil etish bo‘yicha Ta’lim sifatini nazorat qilish davlat inspeksiyasi tomonidan Respublika maxsus komissiyasiga taklif kiritilgan.
Komissiyaning ‘sariq’ hududlardagi o‘quv markazlarida ta’lim jarayonlarini davom ettirish bo‘yicha tegishli qarori qabul qilingandan so‘ng buni tashkil etish mumkin bo‘ladi. Hozirgi paytda ‘sariq’ va ‘qizil’ hududlardagi o‘quv markazlarida masofaviy ta’lim tashkil etish tavsiya qilinadi”, — degan Feruza Madrahimova.
Mavzuga doir:
- Ta’lim sifatini nazorat qilish inspeksiyasi O‘zbekistonda o‘quv markazlarining faoliyati qachon tiklanishiga aniqlik kiritdi
- O‘zbekistonning “yashil” hududlarida o‘quv markazlarining o‘z ishini boshlashi masalasiga aniqlik kiritildi
- Nima uchun O‘zbekistondagi “sariq” hududlarda bolalar bog‘chalariga ruxsat berilgani, o‘quv markazlariga esa ruxsat yo‘qligiga aniqlik kiritildi
Izoh (0)