AQShda joylashgan Oregon Raceway Park xususiy avtodromi 10 million dollar evaziga sotuvga qo‘yildi. Uning hududidan professional poyga treki va turli musobaqalarni o‘tkazishga mo‘ljallangan barcha zarur infratuzilmalar o‘rin olgan, deb xabar beradi Motor.
Poyga parki ichidagi villa 12 ta avtomobilga mo‘ljallangan garaj va ularni ta’mirlashda kerak bo‘ladigan barcha uskunlar bilan jihozlangan. Bundan tashqari, avtodromda ikkita yoqilg‘i quyish shoxobchasi, dam olish xonasi, cho‘milish kabinalari va tushlik zonalari mavjud. Shuningdek, poyga parkining egasi xaridorga hali qurib bitkazilmagan 500 metr kvadrat joyni ham qo‘shib beradi.
Hozirda mazkur poyga poligonida avtosport bo‘yicha bellashuvlar, sportkarlarni professional haydashga o‘rgatish mashg‘ulotlari, shuningdek, korporativ tadbirlar o‘tkazilmoqda. Poyga parkini 10 million dollar evaziga xarid qilish mumkin, faqat birgina sharti — ijarachilar bilan barcha mavjud shartnomalar bajarilishi kerak.
Izoh (0)