Sardoba suv omborida yuz bergan falokatdan zarar ko‘rgan xonadon egalariga 40 million so‘mdan yordam puli berilayotgani to‘g‘risida xabar qilingandi. Sirdaryo viloyati hokimligi axborot xizmatining ma’lum qilishicha, 40 million so‘mlik sertifikatlarga Sardoba fojiasi sabab uyiga zarar yetmagan o‘nlab odamlar ham da’vogarlik qilmoqda.
Oqoltin tuman hokimi o‘rinbosari O.Abdullayev rahbarligida tuman kengashi deputatlari, moliya, kadastr va bandlikka ko‘maklashish markazi mutaxassislaridan iborat ishchi guruh tomonidan Mirzacho‘l ko‘chasida 14 ta xonadon, Tutzor ko‘chasida 3 ta xonadon, Birlashgan ko‘chasida 13 ta xonadon, Tiklanish ko‘chasida 4 ta xonadon, Birlik ko‘chasida 3 ta xonadon, Xaloskor ko‘chasidagi 1 ta xonadon qayta xatlovdan o‘tkazilib o‘rganilgan.
Ishchi guruhning aniqlashicha, toshqin oqibatida bu xonadonlarning tomorqasiga suv kirgan bo‘lsa-da, zarar ko‘rmagan. Fuqarolar toshqindan zarar ko‘rmagan bo‘lsa ham, 40 million so‘mlik sertifikat talab qilgan. Ishchi guruh ushbu xonadonlarni rasman zarar ko‘rmagan deb topdi.
J.Sh. xonadoni ishchi guruh tomonidan o‘rganilganda xonadon egasi suv toshqinidan 15 kun o‘tib qurilishi bitmagan uyi uchun 40 million so‘mlik sertifikat olish maqsadida murojaat qilgani aniqlandi. Bu kabi holat fuqaro R.S. ismli fuqaroning xonadonida ham kuzatilgan.
https://www.facebook.com/100035724660403/videos/277431310124356/
“Ishchi guruh tomonidan olib borilgan surishtiruvga ko‘ra, uyning devorlari oldindan ta’mirtalab bo‘lgani aniqlandi. Buni qo‘shnilar ham tasdiqlashdi”, — deyiladi xabarda.
Ushbu masalalar Sirdaryo telekanali ijodkorlari tomonidan tasvirga olish ishlari davomida yanada oydinlik kiritilib, ba’zi fuqarolarning maqsadi davlat tomonidan ajratilayotgan mablag‘lardan shaxsiy ehtiyoj yo‘lida foydalanib qolish ekanligi o‘z isbotini topgan.
Mavzuga doir:
Izoh (0)