Prezident Shavkat Mirziyoyev 12-iyun kuni joylarda olib borilayotgan islohotlar bilan tanishish, xalq bilan muloqot qilish, rivojlanishning yangi vazifalarini belgilash maqsadida Toshkent shahrining Olmazor tumaniga tashrif buyurgani haqida xabar berilgandi. Prezident tuman faollari, nuroniylar bilan uchrashuvda joriy yilda oliy ta’limga qamrab olish ko‘rsatkichi 25 foizdan 36 foizga yetishini ma’lum qildi.
“Oliy ta’limda 100 nafar boladan faqatgina 9 nafarida o‘qishga imkoniyat bor edi. 24-yanvarda ushbu ko‘rsatkichni 50 foizga oshiramiz, degandim. Mana, Xudo xohlasa, yil yakuniga qadar 25 foizdan 36 foizgacha chiqamiz. Albatta, bunga binolar, imkoniyatlar, sharoitlar kerak”, — deya qayd etadi Prezident.
Shu bilan birga, Shavkat Mirziyoyev bu kabi ishlarni amalga oshirish uchun bilimli, aqlli, vatanparvar o‘qituvchilar kerakligini ta’kidlab o‘tgan.
Avvalroq davlat rahbari olim va pedagoglarning ijtimoiy sharoitlarini yaxshilash maqsadida ular uchun Olmazor tumanida qurilgan ko‘p qavatli uylar bilan tanishgani haqida xabar berilgandi.
Izoh (0)