Prezident Shavkat Mirziyoyev Olmazor tumanidagi Next Generation Product qo‘shma korxonasida bo‘ldi va bu yerdagi ishlab chiqarish faoliyati bilan tanishdi. Bu haqda Prezident matbuot xizmati xabar bergan.
Xabarga ko‘ra, korxonada Royal savdo belgisi ostida yiliga 460 ming dona elektr va quyosh energiyasi asosida ishlovchi suv isitish uskunasi, Germaniyaning Viessmann brendi ostida 75 ming dona suv isitish qozoni ishlab chiqariladi. Korxonada jami 530 kishi ish o‘rni bilan ta’minlangan.
Mahsulotlar Rossiya, Ukraina, Qozog‘iston, Qirg‘iziston, Tojikiston, Turkmaniston va Afg‘onistonga eksport qilinmoqda. 2020-yilning yanvar—may oylarida qiymati 1,8 million AQSh dollariga teng mahsulot eksport qilingan. 2020-yil oxirigacha ko‘rsatkichni 7 million dollarga yetkazish mo‘ljallangan.
Mavzuga doir: “O‘zim ham 15 yil ijarada yashaganman”. Shavkat Mirziyoyev Olmazordagi olimlar mavzesida bo‘ldi
Tashrif davomida Shavkat Mirziyoyevga korxonadagi yangi loyihalar haqida ma’lumot berilgan. Prezident mahsulotlar turini ko‘paytirib, qo‘shimcha ish o‘rinlari yaratish bo‘yicha ko‘rsatma va topshiriqlar berdi, deyiladi xabarda.
Mavzuga doir:
- Shavkat Mirziyoyev: Ilm-fan va ta’limni Olmazor uchun “o‘sish nuqtasi”ga aylantirish kerak
- Shavkat Mirziyoyev Olmazor Сity’dagi 30 qavatli uyni 2022-yil apreligacha bitirish haqida topshiriq berdi
- Shavkat Mirziyoyev Olmazor tumanidagi qandolat mahsulotlari ishlab chiqaruvchi korxona faoliyati bilan tanishdi
Izoh (0)