O‘zbekistonda o‘zini o‘zi moliyalashtirish tizimiga o‘tgan OTMlarga o‘zini o‘zi to‘liq moliyaviy ta'minlash miqdoridan kelib chiqib, to‘lov-kontrakt asosida o‘qitish qiymatini belgilash huquqi berildi, deb xabar bermoqda Oliy va o‘rta maxsus ta'lim vazirligi matbuot xizmati.
Bu haqda “2020/2021-o‘quv yilida O‘zbekiston Respublikasining oliy ta’lim muassasalariga o‘qishga qabul qilishning davlat buyurtmasi parametrlari to‘g‘risida”gi Prezident qarorida belgilandi.
O‘zini o‘zi moliyalashtirish tizimiga o‘tgan OTMlar rektorlari bakalavriat ta’lim yo‘nalishlari va magistratura mutaxassisliklari bo‘yicha belgilangan to‘lov-kontrakt miqdori haqidagi ma’lumotlarni bir hafta muddatda ommaviy axborot vositalari va internet tarmog‘ida e’lon qiladi.
Eslatib o‘tamiz, Prezidentning 2019-yil 11-iyuldagi qarori bilan 2020-yildan boshlab ayrim OTMlar bosqichma-bosqich o‘zini o‘zi moliyalashtirish tizimiga o‘tishi belgilangandi. “Oliy ta’lim muassasalarini bosqichma-bosqich o‘zini o‘zi moliyalashtirish tizimiga o‘tkazish to‘g‘risida”gi hukumat qarori bilan 2020-yil 1-yanvardan boshlab tajriba-sinov tariqasida o‘zini o‘zi moliyalashtirish tizimiga o‘tayotgan 10 ta oliy ta’lim muassasalari ro‘yxati tasdiqlangan. Bular:
- Samarqand davlat chet tillar universiteti
- Samarqand iqtisodiyot va servis instituti
- Toshkent davlat yuridik universiteti
- Toshkent davlat iqtisodiyot universiteti
- Toshkent moliya instituti
- Toshkent davlat sharqshunoslik instituti
- Toshkent farmatsevtika instituti
- O‘zbekiston davlat jahon tillari universiteti
- Urganch davlat universiteti
- Toshkent temiryo‘l muhandislari instituti
Izoh (0)