12-iyun kuni soat 09:00 larda Toshkent shahri Yakkasaroy tumanida profilaktika ishlarini olib borayotgan ikki nafar “Suvsoz” DUK xodimi halok bo‘ldi. Bu haqda poytaxt IIBB axborot xizmati xabar berdi.
Ta’kidlanishicha, “Suvsoz” DUKning 31 yoshli X.B. hamda 32 yoshli X.N. ismli xodimi profilaktika ishlarini olib borish maqsadida kichik halqa avtomobil yo‘lida joylashgan Yakkasaroy tumanidagi “Sazanchik” kafesi ro‘parasidagi quduqqa tushgan.
Dastlabki taxminga ko‘ra, u yerda to‘plangan zaharli gazlar oqibatida “Suvsoz”ning ikki xodimi bo‘g‘ilish natijasida halok bo‘lgan. Ularni qutqarishga harakat qilgan 42 yoshli H.R. esa zaharlanish belgilari bilan kasalxonaga yotqizilgan.
“Tez yordam xizmatiga voqea guvohlari xabar bergan. Hozirda hodisa sabablari aniqlanmoqda”, — deyiladi xabarda.
Izoh (0)