“Hududiy elektr tarmoqlari” AJga qarashli Farg‘ona hududiy elektr tarmoqlari korxonasi tomonidan So‘x tumanining elektr ta’minoti to‘liq ko‘rikdan o‘tkazilib, aholining elektr ta’minoti borasidagi muammolari o‘rganildi hamda ularni bartaraf qilish chora-tadbirlari belgilab olingan, deya xabar qildi Energetika vazirligi.
Farg‘ona hududiy elektr tarmoqlari korxonasi tumanning elektr ta’minotidagi mavjud kamchiliklarni bartaraf etish uchun zarur bo‘lgan elektr qurilmalari, jumladan, turli quvvatdagi 16 dona transformator punkti, 79 kilometr uzunlikdagi zamonaviy elektr uzatish kabellari, 80 dona temir-beton tayanch, 1200 dan ortiq izolyatorlar, 10 turdagi elektr qurilmalari So‘x tumaniga yuborildi.
Mazkur ta’mirlash va yangi qurilish ishlarini bajarishdan kutilgan maqsad So‘x tumani aholisining elektr energiyasiga bo‘lgan talabini to‘la qondirish hamda sifatli elektr energiyasi bilan ta’minlashdan iborat, deyiladi xabarda.
Mavzuga doir:
- Farg‘ona viloyati hokimligi So‘x tumaniga xayriya karvoni yubordi
- Shuhrat G‘aniyev Qirg‘izistonda Botken viloyati gubernatori Alisher Abdurahmonov bilan uchrashdi
- 230 nafar so‘xlik Tashkent City’dagi qurilish ishlarida qatnashish uchun olib kelinmoqda
- Shavkat Mirziyoyev: So‘xdagi voqealar qirg‘iz xalqi bilan do‘stligimizga, bordi-keldimizga ta’sir qilmasligi kerak
Izoh (0)