O‘zbekistonda 11-iyun kuni soat 23:00 holatiga ko‘ra, yana 24 kishida koronavirus qayd etildi va kasallanganlarning umumiy soni 4741 nafarni tashkil qilmoqda. Bu haqda Sog‘liqni saqlash vazirligi xabar bergan.
Vazirlik xabariga ko‘ra, yangi kasallanish holatlarining
- 11 tasi karantin muassasalaridagi fuqarolar orasida;
- 11 tasi Toshkent shahrida;
- 1 tasi Toshkent viloyatida aholi orasida;
- 1 tasi xalqaro yuk tashuvchi avtomashina haydovchisida qayd etildi.
Shuningdek, 11-iyun kun davomida Toshkent, Samarqand, Navoiy viloyatida va Qoraqalpog‘iston Respublikasida jami 105 nafar bermor koronavirusdan tuzalib, O‘zbekistonda sog‘ayganlarning umumiy soni 3637 nafarni tashkil qilgan.
O‘zbekistonda COVID-19 bilan kasallanganlarning davolanish ko‘rsatkichi 76 foizni tashkil etmoqda, 1085 nafar bemor kasallikdan davolanishni davom ettirmoqda; 19 nafar bemor koronavirus infeksiyasi asoratlari oqibatida vafot etgan.
Izoh (0)