Kembrij va Gent universitetlaridan bo‘lgan xalqaro olimlar guruhi Italiyadagi qadimiy shaharning to‘liq xaritasini yaratdi. Arxeologlar xaritani yaratishda qazilma ishlarini olib bormagan, balki georadar va traktordan foydalangan, deb xabar beradi Phys.org.
Arxeologlar georadar yordamida Rimdan 50 kilometr uzoqlikdagi Falerii Novi manzilgohini o‘rgangan.
Olimlar qadimiy shaharning batafsil xaritasini yaratishda minitraktor yordamida 30,5 gektar yerni tadqiq etib chiqqan. Traktorga georadar qotirilgan bo‘lib, u elektromagnit impulslarni yuborgan va obyektlarning tasvirini hosil qilgan.
Zamonaviy texnika yordamida batafsil xarita yaratilgan bo‘lib, uning ichidan bozor, hammom, ibodatxona va hatto kanalizatsiya chizmalari o‘rin olgan.
Ekspertlarning taxminicha, shahar hujumga uchragani sabab ayrim binolarning devorlari yakson qilingan.
Ko‘plab qadimiy shaharlar juda katta bo‘lgani yoki ularning ustidan zamonaviy inshootlar o‘rin olgani sabab mazkur yangilik olimlarga hech qanday muammosiz ularni o‘rganish imkonini beradi.
Falerri Novi shahriga eramizdan oldingi 241 yilda, rimliklar etrusklar qo‘zg‘olonini bostirgandan so‘ng, asos solingan — qabila Faleriidan Falerri Veteresga ko‘chirilgan. Shahar eramizning 700-yillarga qadar mavjud bo‘lgan.
Izoh (0)