AQShdagi ko‘plab shaharlarda irqchilikka qarshi norozilik namoyishlari vaqtida Amerika qit’asini topgan Xristofor Kolumb haykallariga jiddiy zarar yetkazilmoqda. Bu haqda AQSh OAVga tayanib “Interfaks” xabar qildi.
Politsiya xodimlari ushbu voqea sodir bo‘lgan vaqtda park hududida bo‘lmagan va namoyishchilarning harakatlari mahkama vertolyoti orqali tepadan kuzatib turilgan.
Demonstrators pulled down statues of Christopher Columbus in St. Paul, Minnesota, and Richmond, Virginia, and decapitated another in Boston, targeting monuments seen as symbols of white supremacy. https://t.co/E1YVJCElVR pic.twitter.com/kWNGzI4b9Y
— The New York Times (@nytimes) June 11, 2020
Massachusets shtatining Boston shahrida 7News Boston kanali bergan xabarga ko‘ra, Kolumb haykalining boshi sindirib tashlangan.
Minnesota shtatidagi Sent-Pol shahrida ham Kolumb haykali buzib tashlandi. Sent-Pol shahri politsiya xodimlari tomonidan qiynoqqa solingan va kasalxonada vafot etgan Jorj Floyd yashagan Minneapolisga qo‘shni hudud hisoblanadi.
Butun dunyoda fashizmga qarshi namoyish o‘tkazayotgan vandallar haykallarga zarar yetkazib, boshqa tarixiy shaxslarga qo‘yilgan monumentlarni “bezab” qo‘ymoqda, tarixiy shaxslarning ko‘pchilik qismi irqchilik va quldorlik tizimiga ishlaganlikda aybdor, deya bunday haqoratli harakatlarga duchor bo‘lmoqda.
Avval Londondagi Uinston Cherchillga o‘rnatilgan haykal vandallar hujumiga uchragandi. Vandallar haykalni bo‘yoq bilan bejab, Cherchillni ham rasizmda ayblagan. Shuningdek, shaharda XVIII asrda yashagan savdogar va qul savdosi bilan shug‘ullangan Robert Milligan haykali ham hujumga uchragan, Bristolda parlament a’zosi bo‘lgan va quldorlikka aloqador Edvard Kolston haykali vayron qilingan.
Belgiyada o‘tkazilgan namoyishlar vaqtida qirol Leopold II haykali vandalizm qurboni bo‘ldi. Mustamlaka yerlarini qattiqqo‘llik bilan boshqargan qirolning haykali rasizmga qarshi aksiyalar vaqtida bo‘yoqlar bilan bejab tashlangan. Shahar xiyoboniga o‘rnatilgan haykal hanuzgacha asl holiga qaytarilgani yo‘q.
Minneapolisdagi voqeaMay oyi oxirida afroamerikalik Jorj Floydni Minneapolisda politsiya xodimlari qo‘lga olgan va ko‘chada bir nafar xodim tomonidan tizza bilan bo‘g‘ib qiynoqqa solingan, yakunda Floyd kasalxonada vafot etgan. Uning o‘limi AQSh hamda Yevropada irqchilik va ijtimoiy tengsizlik muammolariga qarshi norozilik namoyishlarining boshlanishiga turtki bo‘ldi.Sud tibbiy ekspertizasi Jorj Floydning qoni va peshobida bir nechta giyohvandlik moddalarining qoldiqlarini topgan, shuningdek, uning politsiya tomonidan hibsga olingan vaqtda COVID-19’ga chalingani yoki kasallikning o‘rta bosqichida bo‘lgani aytilmoqda, ammo erkak ushbu asoratlari oqibatida vafot etmagan. O‘limga yurakning to‘xtab qolishi sabab bo‘lgan. Floydning gipertonik xarakterdagi kasalliklar bilan ham og‘rigani ma’lum qilingan.
Dastlabki autopsiya natijalari bo‘yicha, uning tanasidan asfiksiya va bo‘g‘ish alomatlari topilmagan. Biroq keyinchalik Minnesota shtati Hennepin okrugidagi rasmiy sud tibbiy ekspertizasi Floydning o‘limiga qotillik sabab ekanini bildirgan.
Shuningdek, Floydning oilasi roziligi va tashabbusi bilan o‘tkazilgan yorib tekshirish jarayonida ham marhumning asfiksiya va bo‘ynidan bo‘g‘ish oqibatida o‘lganligi ma’lum qilingan.
Floydni hibsga olgan va bo‘g‘gan ofitser Derek Shoven ishdan haydalgan va uchinchi toifali qotillik hamda ikkinchi toifali atayin qilinmagan qotillikda ayblanmoqda.
Izoh (0)