“Barselona” klubining sobiq hujumchisi Xristo Stoichkov argentinalik afsonalar Lionel Messi va Diyego Maradonani o‘zaro solishtirishni istamadi.
“Messi — allaqachon afsona. Uni Maradona bilan solishtirish qiyin. Lionel kabi bu qadar ko‘p sovrin yutgan futbolchi yo‘q. Oltita “Oltin to‘p”, beshta “Oltin Butsa”, JCh—2014 musobaqasining eng yaxshi o‘yinchisi. Argentina terma jamoasi tarixida Jahon Chempionatining eng yaxshi o‘yinchisi nomiga sazovor bo‘lgan futbolchilar ko‘p bo‘lmagan. 1978-yilda Mario Kempes, 1986-yilda Diyego va 2014-yilda Messi.
Messi yutib olgan sovrinlarni hech qaysi futbolchi qo‘lga kirita olmaydi. Argentinaliklar har doim Messi va Maradonani solishtirishni yaxshi ko‘radi. Biroq turli davrlarni solishtirish adolatdan emas”, — deydi Stoichkov.
Mavzuga doir: Kannavaro: Messi top-futbolchi, biroq Maradona boshqa olam. Diyegoga teng keladigani yo‘q
Leo Argentina terma jamoasi bilan JCh—2014 va Amerika Kubogining uchta musobaqasida (2007, 2015, 2016) kumush medalini qo‘lga kiritadi. Shuningdek, Messi 2005-yilgi yoshlar o‘rtasidagi JCh g‘olibi va 2008-yilgi Olimpiada oltin medali sohibi hisoblanadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)