Namangan viloyatida fermer xo‘jaligi rahbari fuqaroga 2 gektar yer ajratishni va’da qilib, undan ming AQSh dollari va 10 million so‘m mablag‘ni olgan vaqtida qo‘lga olindi. Bu haqda Bosh prokuratura matbuot xizmati “Daryo”ga ma’lum qildi.
Xabarga ko‘ra Bosh prokuratura huzuridagi departamentning Namangan viloyat boshqarmasi tomonidan DXX xodimlari bilan hamkorlikda o‘tkazilgan tezkor tadbirda Namangan tumanida faoliyat yurituvchi “A.N.” fermer xo‘jaligi rahbari A.S. fuqaro A.X.ning ishonchiga kirib, uni aldab, fermer xo‘jaligining 2 gektar yer maydonida tadbirkorlik faoliyatini yuritish uchun tanishlari orqali hujjatlarni rasmiylashtirib berish evaziga 1000 AQSh dollari va 10 million so‘mni olgan vaqtida ashyoviy dalil bilan ushlangan.
A.S.ga nisbatan Jinoyat kodeksining 168-moddasi 1-qismi (Firibgarlik) va 28, 211-moddasi 1-qismi (Pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Namanganda xo‘jalik yerini 14 ming dollarga bog‘dorchilik uchun ajratib bermoqchi bo‘lgan fermer xo‘jaligi rahbari ushlandi
- Namanganda 4 mln so‘m evaziga xorijga chiqish pasportini to‘g‘rilab berishni va’da qilgan Turkiya fuqarosi DXX tomonidan qo‘lga olindi
- DXX 5 ming dollar evaziga konservatoriyaga o‘qishga kiritib qo‘yishni va’da qilgan litsey o‘qituvchisini qo‘lga oldi
- Andijonda kadastr xodimining 7800 dollar pora bilan qo‘lga tushishi ortidan filial rahbari ishdan olindi
Izoh (0)