Tushlikka tovuq go‘shtidan noodatiy taom tayyorlaymiz

Ushbu taom tushlik uchun juda yaxshi tanlov.

Buning uchun quyidagi mahsulotlar kerak bo‘ladi:

• Tovuq filesi — 4 dona
• Pishloq — 80-100 gr (motsarella tavsiya qilinadi)
• Pomidor — 2 dona
• Soya sousi — 2 osh qoshiq
• O‘simlik yog‘i — 1 osh qoshiq
• Sarimsoq — 1-2 bo‘lak
• Ko‘katlar, tuz, murch

• Tovuq filesini pichoq yordamida 5-6 ta chuqurroq qilib kesib chiqing, tuz va murch seping.
• Pishloq va pomidorni yupqa qilib kesib oling.
• Kesilgan pomidor va pishloqni kesilgan filega joylab chiqing.
• Soya, yog‘ va sarimsoqni aralashtiring va aralashmani tovuq ustidan surtib chiqing.
• 200 daraja qizigan pechda 30 daqiqa davomida pishiring.
• Pishganidan so‘ng ko‘katlar bilan bezang.