Bosh vazir Abdulla Aripov So‘x tumaniga tashrif buyurib, u yerda tuman aholisi bilan muloqoti chog‘ida 500 nafar so‘xlik yoshni Toshkent shahridagi qurilishlarga safarbar etish ta’kilangandi. So‘x tumani hokimligi matbuot xizmatining xabariga ko‘ra, ro‘yxatga olingan 230 nafar yoshning birinchi guruhi avtobuslar orqali Farg‘ona shahriga jo‘nab ketgan.
Ular Farg‘onadan Toshkent shahriga — Tashkent City tomon yo‘l oladi, deyilgan xabarda.
Qayd etilishicha, so‘xliklar xorijga borgan paytlarida ham, asosan, qurilish ishlari bilan shug‘ullangan va shu sabab ular mazkur sohaga begona emas. Toshkentdagi qurilish ishlariga jalb etilgan so‘xliklar uchun tashkilotchilar tomonidan zaruriy shart-sharoitlar yaratilib, ularning maoshlari vaqtida to‘lanishi nazoratga olinadi.
Mavzuga doir:
- So‘xdagi mojaroda 3 ta uyning yonishi oqibatida 11 kishi boshpanasiz qolgani ma’lum bo‘ldi. Ular vaqtinchalik turar joyga joylashtirilgan (foto)
- Shavkat Mirziyoyev: So‘xdagi voqealar qirg‘iz xalqi bilan do‘stligimizga, bordi-keldimizga ta’sir qilmasligi kerak
- So‘xda 3 ta dam olish maskani yaratiladi, viloyat markaziga aviaqatnovni yo‘lga qo‘yish rejalashtirilmoqda
- So‘xlik bitiruvchilarga OTMlarga kirishda 500 ta davlat granti kvotasi ajratildi
Izoh (0)