Toshkentdagi Epidemiologiya, mikrobiologiya va yuqumli kasalliklar ilmiy-tekshirish instituti klinikasida 12 nafar, Buxoro viloyatida 8 nafar, Navoiy viloyatida 3 nafar hamda Samarqand viloyatida 1 nafar, jami 24 nafar bemor koronavirus infeksiyasidan tuzaldi va reabilitatsiyaga kuzatildi. Bu haqda Sog‘liqni saqlash vazirligi xabar qilgan.
Shu tariqa sog‘ayganlar soni Toshkent shahrida 1468, Buxoro viloyatida 450, Navoiy viloyatida 114 hamda Samarqand viloyatida 319 nafarga yetdi.
2020-yil 7-iyun holatiga ko‘ra, bir sutka davomida 86 nafar bemor COVID-19’dan tuzalib, O‘zbekistonda koronavirus infeksiyasidan butunlay sog‘ayganlarning umumiy soni 3354 nafarni tashkil qilmoqda.
Eslatib o‘tamiz, 2020-yil 7-iyun soat 18:00 holatiga ko‘ra, O‘zbekistonda koronavirus aniqlanganlar soni 4302 nafarga yetgan, tuzalgan va vafot etganlardan tashqari jami 931 nafar bemor davolanmoqda.
15-martdan buyon O‘zbekistonda jami 17 nafar bemor koronavirus infeksiyasi asoratlari oqibatida hayotdan ko‘z yumgan.
Mavzuga doir: Toshkentda koronavirusga chalingan homilador ayol farzandli bo‘ldi. Tug‘ruq jarayoni yetti soat davom etdi
Izoh (0)