Yanko Design saytining dizayneri avtonom qurilma sifatida ishlay oladigan yechiluvchi kamera moduliga ega Mosaic smartfoni konseptini yaratdi, deb xabar beradi Hi-Tech.Mail.ru.
G‘oyaga ko‘ra, odatdagi rejimda katta korpusga joylashtiriladigan smartfonning barcha “temiri” kichkina modulga sig‘diriladi — bu qo‘shimcha batareyka va ulkan ekran. Biroq istalgan vaqtda ushbu modulni yechib olib, alohida qurilma sifatida ham foydalansa bo‘ladi, masalan, smartfon funksiyalariga ega “aqlli” soat sifatida.
Dizaynerning hisoblashicha, bu kabi qurilma uchun nafaqat katta ekranga ega modul, balki qo‘shimcha korpus va aksessuarlar ishlab chiqarish mumkin. Masalan, uni qo‘l soatiga yoki bo‘yinga osib yurgan holda videolarni suratga oladigan kameraga aylantirsa bo‘ladi.
Mazkur konsept yaqin orada sotuvga chiqishi dargumon. Avvalroq Google Project Ara modul smartfoni loyihasi ustida ish olib borgan, faqat uning istalgan tarkibiy qismini almashtirish mumkin — protsessor, xotira, kamera yoki batareya. Konseptual Mosaic smartfoni esa “teskari tomonga” ishlaydi — smartfon boshqa aksessuarlar uchun modulga aylanadi.