Farg‘ona viloyatida irrigatsiya tizimidagi yo‘qotishlarni kamaytirish va zamonaviy texnologiyalarni joriy etish uchun O‘zbekiston Tiklanish va taraqqiyot jamg‘armasi (O‘TTJ)dan 50 million dollar ajratiladi. Bu haqda Prezident Shavkat Mirziyoyev raisligida 6-iyun kuni Farg‘ona shahrida bo‘lib o‘tgan faollar yig‘ilishida aytib o‘tildi.
“Yig‘ilishda uy-joylar qurish, ichimlik suvi ta’minoti va oqova tarmoqlarini yaxshilash bo‘yicha ham vazifalar belgilandi. Farg‘ona tajribasi asosida “loyihalar fabrikasi”ni keng rivojlantirish, IT-markazlarda o‘quv kurslari tashkil etib, yiliga 262 mingdan ziyod yoshlar o‘qitish muhimligi ta’kidlandi”, — deyiladi Prezident matbuot xizmati axborotida.
Qo‘shimcha qilishlaricha, tadbirda bosh vazir o‘rinbosarlari, vazirlar, iqtisodiyot tarmoqlari mutasaddilari, hokimlarning hisoboti eshitilgan.
Mavzuga doir:
- Shavkat Mirziyoyev: Maqtov kerak emas. Bundan natija bo‘lmaydi
- Shavkat Mirziyoyev: So‘xdagi voqealar qirg‘iz xalqi bilan do‘stligimizga, bordi-keldimizga ta’sir qilmasligi kerak
- Farg‘onada 2020-yil oxirigacha 43 ming oila kambag‘allikdan chiqariladi
- Foto: Shuhrat G‘aniyev Prezident raisligidagi yig‘ilishda