Ob-havo qanday bo‘lishidan qat’i nazar ayol va qizlar qulaylik va go‘zallikni uyg‘unlashtirishni istaydi. Yozning jazirama kunlarida minimal uslubda ortiqcha detallarsiz kiyinish shu bilan birga trendda bo‘lishni istaganlar uchun, faoliyatini boshlaganiga ko‘p bo‘lmagan ingliz brendi Yuzefi tomonidan taqdim qilingan sumkalar ayni muddao.
Turli shakl va bichimdagi, bezaklardan xoliligi bilan jalb etishi mumkin bo‘lgan mazkur brend sumkalariga allaqachon moda olami yulduzlari garderobidan o‘rin oldi.
Yozda oq rang, yog‘ochdan ishlangan aksessuarlar yetakchi ekanini inobatga olgan holda siz ham o‘z xohish va istagingiz hamda trendlarni uyg‘unlashtirishingiz mumkin.
Xol-xol printli yoki jazirama uchun yaxshi variant bo‘lgan shifon ko‘ylaklar tanlab, quyida taqdim qilingan suratlardagi minimal uslubdagi sumkalar bilan obrazingizni mukammal yakunlashingiz mumkin. Buning uchun aynan ushbu brend sumkalarini xarid qilish shart emas, shakl va rang borasida suratlardan ilhomlanishning o‘zi kifoya.
Izoh (0)