Bugun,

  • USD 10940.05
  • RUB 182.26
  • EUR 11121.65

Surxondaryo viloyati Uzun tumanining Tojikiston bilan chegaradosh hududidagi daryo orqali dori vositalari va tibbiy niqoblarni Tojikistonga o‘tkazmoqchi bo‘lgan shaxs qo‘lga olindi, deb xabar beradi “Xabar.uz”.

DXX Surxondaryo viloyati boshqarmasi va bojxona xodimlari ishtirokida o‘tkazilgan tezkor tadbirda Uzun tumani “Yangiobod” MFYning Tojikiston bilan chegaradosh hududidan o‘tuvchi Kofirnihon daryosi qirg‘og‘ida polietilen qoplarga joylashtirilgan 5 turdagi dori vositalari va 15 000 dona tibbiy niqob borligi aniqlanib, tegishli tartibda hujjatlashtirib olingan.

Qayd etilishicha, tumanning “O‘lanqul” mahallasidagi xonadonlardan birida esa 20 000 dona filtrli tibbiy niqoblar borligi aniqlanib, protsessual tarzda rasmiylashtirib olingan.

Tergovga qadar tekshiruv harakatlari doirasida aniqlanishicha, mazkur dori vositalari va tibbiy niqoblar B.F. ismli mahalliy fuqaroga tegishli bo‘lib, ularning umumiy qiymati 356 million so‘mdan ziyodni tashkil etadi.

“Mo‘may daromad topish maqsadida B.F. ushbu dori vositalari va tibbiy niqoblarni o‘zbek-tojik davlat chegarasining nazorat qilinishi qiyin bo‘lgan qismi orqali Tojikistonga o‘tkazishni rejalashtirgan”, — deyiladi xabarda.

Izoh
Asosiy yangiliklar
Dunyo
Turkiya lirasi yana rekord darajada tushib ketdi
Mahalliy
Buxoroda ayol yuk poyezdi ostida qoldi. U o‘z joniga qasd qilgan
Mahalliy
O‘zbekiston Xitoyga qovun qoqi va loviya eksport qiladi