O‘zbekiston Sanitariya-epidemiologiya nazorati davlat inspeksiyasi bosh inspektori Nurmat Otabekov 3-iyun, chorshanba kuni bo‘lib o‘tgan brifingda yoz faslida yo‘l chetida sotiladigan, uy sharoitida tayyorlangan ayron, go‘ja yoki salqin ichimliklar masalasida berilgan savolga javob berdi.
Nurmat Otabekovning ma’lum qilishicha, ruxsat etilmagan katta yo‘l yoqalari, noturg‘un joylarda barcha turdagi mahsulotlarni, jumladan, uy sharoitida tayyorlangan salqin ichimliklar, bochkalardagi morslar, freyzerda quyib beriladigan muzqaymoqlarni sotish qat’iyan man etiladi.
Ta’kidlanishicha, Vazirlar Mahkamasining 378 va 251-sonli qarorlariga muvofiq, noqonuniy ko‘cha savdosi nazorati soliq organlariga yuklatilgan.
Avvalroq Toshkent halqa avtomobil yo‘li chekkasidagi “Toshkent” savdo majmuasi va “Do‘stlik” buyum bozori tashqarisida Toshkent viloyat soliq organlari tomonidan o‘rnatilgan karantin tartibiga zid ravishda noqonuniy savdo ishlari bilan shug‘ullanayotgan fuqarolarni aniqlash hamda ularga nisbatan tegishli chora ko‘rish ishlari amalga oshirilgan edi.
Izoh (0)